ຫນ້າທໍາອິດ

ຄວາມເປັນມາຂອງ ໂຄງການ ມອນສູນ ວິນດ໌

ໂຄງການໄຟຟ້າພະລັງງານລົມ ມອນຊູນ ກຳລັງການຜະລິດ 600MW ແມ່ນໂຄງການລິເລີ່ມສຳຄັນ ຊຶ່ງຢູ່ໃນການດຳເນີນການກໍ່ສ້າງ, ມີສາຍສົ່ງໄຟຟ້າ 500 KV ທີ່ເຊື່ອມຈອດຈາກ ສປປ ລາວ ໄປ ຫວຽດນາມ, ແລະ ມີແຜນສຳເລັດການກໍ່ສ້າງໂຄງການພາຍໃນ ປີ 2025. ເນື່ອງຈາກ ເປັນໂຄງການໄຟຟ້າພະລັງງານລົມ ແຫ່ງທຳອິດຂອງ ສປປ ລາວ ພ້ອມທັງ ເປັນໂຄງການທີ່ໃຫຍ່ທີ່ສຸດໃນ ອາຊຽນ, ໂຄງການ ມອນຊູນ ໄດ້ສ້າງມາດຖານໃໝ່ ໂດຍສະເພາະ ການສາມາດບັນລຸໄດ້ ຂໍ້ຕົກລົງການຊື້ຂາຍພະລັງງານໄຟຟ້າຂ້າມແດນ ທີ່ເປັນຜົນປະໂຫຍດດ້ານລາຍຮັບການເງິນ. ນອກເໜືອຈາກການສະໜອງພະລັງງານສີຂຽວ, ໂຄງການ ມອນຊູນ ຍັງມີຈຸດປະສົງໃນການຍົກລະດັບຄຸນນະພາບຂອງຊຸມຊົນທ້ອງຖິ່ນ ຜ່ານໂຄງການພັດທະນາຊຸມຊົນແບບຄົບວົງຈອນ. ໂຄງການນີ້ມີເປົ້າໝາຍທີ່ຈະເປັນໂຄງການຕົວແບບ ດ້ານພະລັງງານທົດແທນທີ່ນຳໃຊ້ທຶນຢ່າງມີປະສິດທິຜົນທີ່ສຸດໃນ ອາຊຽນ, ຊຶ່ງສອດຄ່ອງກັບວິໄສທັດຂອງ ການພັດທະນາການເຊື່ອມຈອດລະບົບໄຟຟ້າໃນພາກພື້ນ ອາຊຽນ (ASEAN Power Grid), ໃນຂະນະດຽວກັນ ກໍ່ສົ່ງເສີມການເຊື່ອມໂຍງຫວ່າງພາກພື້ນ ແລະ ຊຸກຍູ້ການປ່ຽນຜ່ານດ້ານພະລັງງານສີຂຽວໃນພາກພື້ນອາຊຽນ.

ສຶກສາເພີ່ມເຕີມ

600 MW

ຄວາມອາດສາມາດຕິດຕັ້ງ - ຟາມລົມທີ່ໃຫຍ່ທີ່ສຸດ

ໃນອາຊີຕາເວັນອອກສຽງໃຕ້

1^ST

ໂຄງການພະລັງງານລົມ

ຢູ່ ສປປ ລາວ

1^ST

ຂ້າມແດນ (ລາວ-ຫວຽດນາມ)

ໂຄງການຟື້ນຟູໃນອາຊີ

ພາກໃຕ້ຂອງລາວ

ໂຄງການ ພະລັງງານລົມ ມອນສູນ ວິນດ໌ ເປັນໂຄງການພະລັງງານລົມ ທີ່ມີກຳລັງຜະລິດຂະໜາດ 600 MV ໃນແຂວງເຊກອງ ແລະ ແຂວງອັດຕະປື ຢູ່ພາກໃຕ້ຂອງ ສປປ. ລາວ. ໂຄງການຈະນຳສົ່ງພະລັງງານໝູນວຽນທີ່ຜະລິດໄດ້ ໄປພາກກາງຂອງປະເທດຫວຽດນາມ ຜ່ານສາຍສົ່ງ 500 kV

31ບ້ານ
1,000 haເນື້້ອທີ່ນຳໃຊ້
1,200 Mສູງກວ່າລະດັບທະເລ

ເບິ່ງເວັບໄຊໂຄງການ

ການພັດທະນາແບບຍືນຍົງ

35M+

ໂຕນແກ໊ສ CO₂ຖືກລົດລົງພາຍໃນອາຍຸຂອງໂຄງການ

8,400

ຄົວເຮືອນ ໄດ້ຮັບພະລັງງານສະອາດຕໍ່ປີ

ຮຽນຮູ້ເພີ່ມຕື່ມ

ຂ່າວ ແລະອັບເດດ

ພິທີເປີດເສົາກັງຫັນລົມຕົ້ນທຳອິດຂອງ ສປປ ລາວ

ພິທີເປີດເສົາກັງຫັນລົມຕົ້ນທຳອິດຂອງ ສປປ ລາວ ໃນວັນທີ 9 ພະຈິກ 2023 ທີ່ຜ່ານມາ ບໍລິສັດ ມອນຊູນວິນ ພາວເວີ ຈຳກັດ (Monsoon Wind Power Co., Ltd) ໄດ້ຈັດພິທີເປີດເສົາກັງຫັນລົມຕົ້ນທຳອິດ ໃຫ້ກຽດເຂົ້າຮ່ວມເປີດພິທີ ໂດຍທ່ານ ນາຍົກລັດຖະມົນຕີ ແຫ່ງ ສປປ ລາວ ທ່ານ ສອນໄຊ ສີພັນດອນ ຮ່ວມກັບ ທ່ານ ເຫຼັກໄຫຼ ສີວິໄລ ກຳມະການສູນກາງພັກ ເລຂາພັກແຂວງ ເຈົ້າແຂວງເຊກອງ, ທ່ານ ນັດ ຮຸຕານຸວັດ ຜູ້ອໍານວຍການ ບໍລິສັດ ມອນຊູນວິນ ພາວເວີ ຈຳກັດ, ທ່ານ ທະນູສັກ ພົມມະຈັກ ກໍາມະການບໍລິຫານ ບໍລິສັດ ມອນຊູນ ວິນ ພາວເວີ ຈໍາກັດ ແລະ ປະທານເຈົ້າໜ້າທີ່ບໍລິຫານ ແລະ ກໍາມະການຜູ້ຈັດການໃຫຍ່ ບໍລິສັດ SMP Consultation ຈໍາກັດ, ພ້ອມຄະນະທີ່ໄດ້ເຂົ້າຮ່ວມເປີດພິທີອັນສຳຄັນດັ່ງກ່າວ, ເຊິ່ງພິທີໄດ້ຂື້ນທີ່ ບ້ານດາກຕຣຽມ ເມືອງດາກຈຶງ ແຂວງເຊກອງ ໃນການເປີດພິທີ ທ່ານ ນັດ ຮຸຕານຸວັດ ຜູ້ອໍານວຍການ ບໍລິສັດ ມອນຊູນວິນ ພາວເວີ ຈຳກັດ ໄດ້ຂື້ນກ່າວຄຳປາໄສ ໂດຍມີເນື້ອໃນດັ່ງນີ້: “ເສົາກັງຫັນລົມຕົ້ນນີ້ເປັນສັນຍາລັກແຫ່ງການຮ່ວມມືຮ່ວມໃຈລະຫວ່າງທຸກພາກສ່ວນ ໂດຍສະເພາະຢ່າງຍິ່ງແມ່ນການຮ່ວມມືຈາກທາງລັດທະບານລາວ ຕັ້ງແຕ່ລະດັບເມືອງ ລະດັບແຂວງ ແລະ ລະດັບປະເທດທີ່ໄດ້ໃຫ້ຄວາມຮ່ວມມືເປັນຢ່າງດີ ເປັນສັນຍາລັກຂອງຄວາມພູມໃຈທີ່ພວກເຮົາມຸ່ງໝັ້ນເຮັດໃຫ້ເກີດເສົາກັງຫັນລົມດ້ວຍມາດຕະຖານລະດັບນາໆຊາດ ບໍ່ວ່າຈະເປັນມາດຕະຖານທາງດ້ານການອອກແບບ, ມາດຕະຖານທາງດ້ານການກໍ່ສ້າງ, ມາດຕະຖານທາງດ້ານສິ່ງແວດລ້ອມ ແລະ ສັງຄົມ ແລະ ທີ່ສຳຄັນທີ່ສຸດ ກັງຫັນລົມຕົ້ນນີ້ເປັນສັນຍາລັກແຫ່ງຄວາມຫວັງຂອງປະຊາຊົນທີ່ຢູ່ອ້ອມຮອບໂຄງການທີ່ຈະມີຊີວິດຄວາມເປັນຢູ່ທີ່ດີຂື້ນ ດ້ວຍເສດຖະກິດທີ່ດີຂື້ນບໍ່ວ່າຈະເປັນທາງກົງ ຫລື ທາງອ້ອມທີ່ມາຈາກການພັດທະນາໂຄງການນີ້”

Nov 09, 2023
Press

ພິທີເຊັນສັນຍາສໍາປະທານ

ບໍລິສັດ ມອນຊູນ ວິນພາວເວີ ຈຳກັດ (MWP) ຕາງໜ້າໂດຍ ທ່ານ ນັດ ຫຸຕານຸວັດ ຜູ້ອຳນວຍການໃຫຍ່ MWP ແລະ ທ່ານ ນິວັດ ອາດີເຣັກ ຜູ້ລົງນາມໃນນາມຂອງ MWP ເຂົ້າຮ່ວມພິທີເຊັນສັນຍາສຳປະທານ (CA) ຂອງໂຄງການໄຟ້ຟ້າພະລັງງານລົມ ມອນຊູນ ກຳລັງຜະລິດ ຂະໜາດ 600ເມກາວັດ ຢູ່ທີ່ເມືອງ ດາກຈຶງ ແຂວງເຊກອງ ແລະ ເມືອງຊານໄຊ ແຂວງອັດຕະປື ກັບ ລັດຖະບານ ແຫ່ງ ສປປ ລາວ ທີ່ນະຄອນຫຼວງວຽງຈັນ ໃນວັນທີ 1 ທັນວາ 2022 ໂຄງການໄຟ້ຟ້າພະລັງງານລົມ ມອນຊູນ ແມ່ນເປັນຟາມພະລັງງານລົມທີ່ໃຫຍ່ທີ່ສຸດໃນອາຊີຕາເວັນອອກສຽງໃຕ້ ແລະ ໂຄງການພະລັງງານລົມທີ່ຂ້າມຊາຍແດນແຫ່ງທຳອິດຂອງອາຊຽນ

Dec 01, 2022
Press

ພິທີເຊັນສັນຍາ EPC

ວັນທີ 14 ພະຈິກ 2022, ບໍລິສັດ Impact Energy Asia Development Limited (IEAD) ໂດຍທ່ານ ນັດ ຫຸຕານຸວັດ ຜູ້ອຳນວຍການໃຫຍ່ IEAD ແລະ ທ່ານ ນິວັດ ອາດີເຣັກ, ຜູ້ຈັດການ IEAD, ໄດ້ເຂົ້າຮ່ວມກັບບັນດາຄູ່ຮ່ວມມືໃນພິທີເຊັນສັນຍາ EPC ສໍາລັບໂຄງການໄຟ້ຟ້າພະລັງງານລົມ ມອນຊູນ